يطفش الطلاب من اول دقيقه بالمحاضره ويقول انه امتحاناته مقالي وصعبه واذا مو عاجبنا نحول (هو محتكر الماده) دكتور صعب تعامل معاه صعب اسلوبه غير جيد و ٩٠٪ من الي اخذو عنده خذو F من دون مبالغه والشطار الي يدرسون ياخذون D اقصى شي. دكتور سيء نصيحه اخذو مادته صيفي من صعوبتها وهو محتكرها..
الدكتور يهبل و يساعد حيل و يعطي فرص اخذت عنده تاريخ اسلامي عام و الصراحة ما قصر و راجع معانا كل شي نبيه و حط لنا ساعات مكتبية و اختباراته كانت حلوة و عطانا اسئلة الاختبار عشان ندرس عدل و قاعد يسوي اللي يقدر عليه بس ما يحب احد يستعبط عنده و يحب الملتزمين و يطلب برزنتيشن ، الله يوفقه و يفتح عليه 🤍
اعيد التجرببه بكل حماسس للامانه دكتور واضح قوانينه ثابته استخدام التلفون مرفوص عنده ومن من بدء المحاضره مسموح التاخير عشر دقايق والمذكره مخففها حيل ويخطط معنا المهم ك شرح يشرح بكل سعة صدر وشرحه يونس كانها قصه ويجاوب عالاساله الغير واضحه يعطي الطالب ٦ ايام غياب للظروف ولكن في طلاب يستغلون هالغيابات وبعدها يزعلون اذا ماقدر اهمالهم خلصت عنده تاريخ اسلامي وللامانه رفع العموم بدون استثناء يبي التزام بس
اخذوها مني وعن تجربة خاصة مع هالدكتور اول شي قال انه ما راح يحاسب غياب اول اسبوع بعدها بفترة قال تدرون شلون خلاص كيفي بحاسبكم ليش ؟ بيقولك ليش لا، واول الكورس قاعد يحاول فينا عشان محد يسحب المادة ويقول انا تغيرت خلاص ومن هالسوالف و من بعد ما تقفل السحب طلعت شخصيته الصجية وبعدها لو شنو تسوي وتحاول تشد حيلك دايماً بيهزئ فيك اسوء دكتور شفته بحياتي
دكتور التعامل معاه شبه مستحيل ويتفنن انه يصعبها على الطالب جنه يبي ينتقم منك مادري على شنو كل شي يطلبه صعب واختباراته مقالي و كلها تركات ومو مباشره ومزاجي بشكل مو طبيعي، ماانصح احد ياخذ عنده نهائياً الا اللي يحس نفسه باله طويل ويقدر يشد حيله ويعدي الماده لانه لو تنطبق السما عالارض ماراح يزيدك نص درجه ، اما سالفة القريد شيلها من راسك
الدكتور معقد قد معنا الكلمه واختباراته يخيرج بين الموضوعي والمقالي الموضوعي معقد والمقالي يعطيج 4 اسأله كنها عشرين سؤال مو أربعه وما يعجبه العجب وصعب التعامل معاه ومستحيل يعتذر لو مره وغثيث ويحب يحرج الطلبه بالمناقشات وما انصح فيه انحاشووووووووووو
يحط اسأله مو من الكتاب و يعصب الماده جدا... حيل تعبنا وياه