يبيله شغل عشان تنجح، بس بشكل عام الدكتور اخلاقه عاليه

شرحه حلو بس سيء من ناحية الدرجات و شديد بالغياب و الحضور

اختباراته شوي صعبه بس ماتطلع من السلايدات الي يشرحها

شرحه مفهوم و يدش الراس بسهوله و الامتحانات ماتطلع من السلايدات الي يشرح منها

استاذي ممتاز بالشرح يحببك بالماده و فعلا مايطلع من شرحه حق الامتحان الالتزام مهم و يعطيك حقك على الدرجه .

الصراحه الدكتور شرحه ممتاز بس مافي وسيله للدراسه لازم تصورين السلايدات و اذا طافج سلايد خلاص طافج ما يرده و ما يتعاون معاج كلش و يبي الالتزام و اذا تاخرتي ينقصج وهم يحب المشاركه طول المحاضره عشان يعطيج كامل و ما يرفع كلش و الامتحانات صعبه و اونلاين حيل نزل معدلي 😔

3/10

الصراحه الدكتور جدا شديد و مو واضح ابدا و ما عنده اي وسيله تدرس منها الماده

.

مستحيل تجيب A عنده انسى

لو تعض الارض ماتاخذ عنده A

منهج بين جنسين شرحه حلو بس يطولها بزياده سلايدين طول الكلاس مكبر من الماده وايد وصعب بالتعامل واختباراته صعبه مع ان المنهج سهل جدا وايد تريكات بالاختبار وبخيل بخل بالدرجات الغياب بالصيفي اليوم درجتين تأخير درجه المشاركه طول الكورس اربع درجات الفاينل ٦٠ الميد تيرم ٣٠ جدا ما انصح احد ياخذ عنده مستحيل تييب درجه زينه مستحيل والمشاركه مهما شاركت واجابتك صح يغلطك لازم تييب اللي بمخه بالضبط

الدكتور شديد جدًا بالدرجات والحضور، وصعب تجيبون عنده A لأنه يدقق وينقص حتى على التأخير. شرحه ممتاز ويشرح بضمير، لكن المشكلة بالاختبارات والدرجات، وما فيه مصدر واضح للدراسة غير السلايدات ومستحيل يدز لكم السلايدات يعني ماكو وسيله لدراسه اللي يشرح منها وما يرسلها. الاختبارات أونلاين، كل سؤال له دقيقة وإذا تعدّى الطالب السؤال ما يقدر يرجع له، ويطلب مشاركة.و عادي جداً ينزل حرمان و مايرفع لحد يحاول يناقشه