دكتور يتفهم الظروف ويقبل الطبيات والحضور عنده مهم. نظامه ١٠ برزنتيشن ١٠ زيارات ميدانيه ١٥ مدتيرم اول وثاني والفاينل ٤٠. اسئلة اختباراته صح وخطأ مع تصحيح الخطأ وكان اوبن بوك والمدة ربع ساعة واغلبنا طلع -A

الاختبارات كله صح وخطأ وكان عندنا مدتيرم اوبن بوك ويحب التفاعل والمشاركة بالكلاس

زين الدكتور اختباراته كانت اوبن بوك صح وخطأ مع تصحيح الخطأ و اخياري و سؤالين موضوعي ما كان يشرح كان يقسم الدروس علينا واحنا نسوي برزنتيشن وكان عندنا زياره ميدانيه نكتب تقرير عنها حيل زين اخذوا عنده

الدكتور حيل زين صح الاختبارات مو سهله بس بنفس الوقت مو صعبه ان ركزتوا معاه بتقدرون تعطونها و آخر الكورس حيل حيل حيل يرفع الكيرف وصل فوق 15 درجه يعني ثلاث قريدات لشعبه كامله و حيل متساهل بالحضور عندكم 3 غيابات فري و العروس و الوالد لها شي ثاني و بداية الكورس يسألكم إذا تبون يحاسب على الحضور او لا و يخلي الطلبه هم الي يختارون التقسيمه و إذا يبون برزنتيشن او لا

الدكتور قريداته حلوووووه و كلاسه حلو و خفيف كان يشرح و يقسم علينا الجزئيات كل شوي وحده تشرح و هو يشرح ويسأل يحب التفاعل و مرات ينادي عشوائي بالاسمو اختباراته كلها صح و خطأ و مكرره بس كان يغير الاسئله المقاليه اللي هي سؤالين بس و يزيد سؤال بونص و يطلب تقرير زياره مدرسيه او تقرير عن شي للي مايقدر يروح و التحضير كان توقيع و بعدها ينادي الاسامي و ينتبه و يحفظ اللي يتأخرون مع انه يسمح بدخولهم

الدكتور شرحه ممتاز ياخذ ويعطي والمحاضرة حلوه اختباراته شوي صعبة يبيلها تركيز وكتاب مفتوح اقرا قبل الاختبار عشان تعرف اماكن الاجوبة